«Заступница усердная, Благоутробная Господа Мати! К тебе прибегаю аз, окаянный и паче всех человек грешнейший: вонми гласу моления моего, вопль мой и стенания услыши, яко беззакония моя превзыдохша главу мою, и аз, якоже корабль в пучине, погружаюсь в море грехов моих. Но Ты, Всеблагая и Милосердная Владычице, не призри мене, отчаяннаго и во гресех погибающего; помилуй мя, кающегося в злых делах моих, и обрати на путь правый заблудную окаянную душу мою. На Тебе, Владычице Моя, Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь».
Чудотворному образу можно поклониться в Москве в церкви Воскресения Словущего на Успенском Вражке.
Молитва родителей за своих детей
«Боже и Отче, создатель и сохранитель всех тварей! Облагодарствуй моих бедных детей Духом Твоим Святым, да вогжет Он в них истинный страх Божий, который есть начало премудрости и прямое благоразумие, по которому кто поступает, того хвала пребывает вечно.
Облаженствуй их истинныж познанием Тебя, соблюди их от всякого идолослужения и лжеучения, соделай, чтобы возросли в истинной вере и во всяком благочестии, и да пребудут в них постоянно до конца. Даруй им верующее послушное, смиренное сердце и прямую мудрость и разум, да возрастают в летах и в благодати пред Богом и пред людьми.
